ShërbimetTerapia
Trajtimi i Kanaleve të Dhëmbit (Endodoncia)
Zgjidhja që shpëton dhëmbin dhe eliminon dhimbjen.
Trajtimi i Kanaleve të Dhëmbit (Endodoncia)
Trajtimi i kanaleve të dhëmbit kryhet kur pulpa dentare (nervi dhe indi i brendshëm i dhëmbit) dëmtohet nga kariesi i avancuar, infeksioni ose trauma. Synimi është pastrimi, dezinfektimi dhe mbushja hermetike e kanaleve, duke ruajtur dhëmbin dhe funksionin e tij.
Si kryhet trajtimi?
- Diagnostikim i hollësishëm - Bëhet vlerësimi me radiografi ose imazheri 3D për të analizuar formën e kanaleve dhe shkallën e infeksionit.
- Heqja e indit të infektuar - Hapet dhëmbi dhe pastrohet pulpa e dëmtuar me instrumenta të specializuar.
- Dezinfektimi i kanaleve - Kanaleve u bëhet pastrim dhe shpëlarje e thellë për të eliminuar bakteret.
- Mbushja dhe mbyllja hermetike - Kanaleve u vendoset një material biokompatibël për të parandaluar rikthimin e infeksionit.
- Rindërtimi i dhëmbit - Në varësi të dëmtimit, dhëmbi përforcohet me mbushje, inlay/onlay, ose kurorë për qëndrueshmëri afatgjatë.
Kur nevojitet trajtimi i kanaleve?
- Dhimbje e fortë e dhëmbit
- Ndjeshmëri ndaj të nxehtit/të ftohtit
- Ënjtje ose infeksion
- Karies i thellë që ka prekur nervin
- Dhëmb i thyer ose traumatizuar
Avantazhet
- Eleminon dhimbjen dhe infeksionin
- Shpëton dhëmbin natyral
- Parandalon komplikimet si abscesi ose humbja e dhëmbit
- Rezultat i qëndrueshëm me kujdes të duhur