Trajtimi i kistës së dhëmbit
Çfarë është në të vërtetë kista e dhëmbit?
Trajtimi i kistës së dhëmbit
Kista dentare është një qese e mbyllur e mbushur me lëng, e cila formohet zakonisht në majë të rrënjës së dhëmbit si rezultat i një infeksioni të zgjatur ose një dëmtimi të pashëruar të nervit të dhëmbit.
Si formohet kista?
Kur nervi i dhëmbit infektohet ose vdes (nekrozohet), bakteret dhe toksinat e tyre kalojnë përtej rrënjës, duke shkaktuar inflamacion të indit përreth. Nëse ky proces vazhdon për një kohë të gjatë, trupi formon një "qese" mbrojtëse përreth infeksionit — dhe kështu krijohet kista.
Shenjat dhe simptomat
- Shpesh, kista fillestare nuk jep simptoma. Por me rritjen e saj mund të shkaktojë:
- Ënjtje ose dhimbje në zonën përreth
- Ndjeshmëri gjatë kafshimit
- Dhimbje të fytyrës ose qafës (në raste të mëdha)
- Ndryshim të formës së kockës
- Prania e një fistule (kanal i vogël që nxjerr qelb)
A është e rrezikshme?
Po, nëse lihet pa trajtim. Kista mund të: rrisë infeksionin, dëmtojë kockën përreth, shtyjë ose dëmtojë rrënjët e dhëmbëve fqinj, rritet deri në madhësi të konsiderueshme.
Si trajtohet?
- Trajtim i kanaleve të dhëmbit – kur kista lidhet me një dhëmb të infektuar.
- Ritrajtim i kanaleve – nëse trajtimi i mëparshëm ka dështuar.
- Cistektomia (heqja kirurgjikale e kistës) – kur kista është e madhe, e persisitente ose nuk zhduket pas trajtimit endodontik.
- Heqja e dhëmbit – në raste të rralla, kur dhëmbi nuk mund të shpëtohet.
A zhduket vetë?
Jo. Kista nuk shërohet vetë dhe gjithmonë kërkon trajtim profesional.