ShërbimetTerapia
Trajtimi i Pulpitit
Pulpiti është inflamacioni i nervit të dhëmbit (pulpës).
Trajtimi i Pulpitit
Pulpiti është inflamacioni i nervit të dhëmbit (pulpës), zakonisht i shkaktuar nga kariesi i thellë, trauma, frakturat ose trajtime dentare të mëparshme. Në këtë fazë, dhëmbi shpesh paraqet dhimbje të forta, pulsuese, sidomos natën ose ndaj të ftohtit dhe të ngrohtit. Trajtimi i pulpitit është thelbësor për të shmangur përhapjen e infeksionit dhe humbjen e dhëmbit.
Si kryhet trajtimi?
- 1. Heqja e kariesit - Fillimisht pastrohet plotësisht cariesi dhe hiqet çdo pjesë e dëmtuar e dhëmbit për të arritur në pulpën e prekur.
- 2. Heqja e nervit të infektuar - Nëse pulpiti është irreversibël (nerv i dëmtuar rëndë), atëherë duhet të kryhet: Heqja e nervit, Pastrimi i kanaleve të rrënjës nga bakteret dhe indet e inflamuara, Dezinfektimi i tyre me materiale dhe solucione të posaçme. Kjo procedurë ndalet dhimbjen dhe eliminon infeksionin.
- 3. Mbyllja e kanaleve (obturimi) - Pasi dhëmbi pastrohet dhe sterilizohet, kanalet mbyllen me materiale biokompatibile për të parandaluar rikthimin e bakterieve.
- 4. Rikonstruksioni i dhëmbit - Në varësi të dëmtimit, dhëmbi mund të rikonstruktohet me: mbushje kompoziti, kurorë, ose fasetë, nëse është e nevojshme.
Simptomat e pulpitit
- Dhimbje e fortë spontane
- Dhimbje gjatë natës
- Ndjeshmëri e madhe ndaj të ftohtit ose ngrohtit
- Dhimbje që përhapet drejt veshit, nofullës ose kokës
- Ënjtje (në faza të avancuara)
Pse është i rëndësishëm trajtimi i shpejtë?
Nëse pulpiti lihet pa trajtim, infeksioni përhapet përtej rrënjës, duke shkaktuar: absces, infeksion të kockës, kist, dhe rrezik humbjeje të dhëmbit.